Vladimir Putin anema longkak aiter 350 apu

Moscow, Monupii 5: Moscow, Russia nung Monupii/May 5, 2018 nü Russia Tir, Vladimir Putin indang inauguration sentong agitsü lia police temi opposition telok nungi longkak aitertem apuba mapang tangokba noksa nung angur. 

Moscow, Monupii 05 (Agencies) : Tanü Küptoknü Russia lima tesem balala nungi Tir, Putin anema longkak aiter parnok 350 shi puogo.
Osang ajanga ashiba agi, temelaba magii Moscow yimti nung adenshia longkak aitertem pakshidaktsütsü meranga police-i tenük amba gas pokloktsü.
AFP osangbenertemi ashiba agi, opposition lenir tazüng, Alexei Navalny, pa den külem ser inyaksang Nikolai Lyaskin aser parnok nungitertem aika Moscow yimti nung pua ayu; sepaitemi longkak aitertemji longbanga yur apu.
Independent monitoring group OVD-Info ajanga ashiba agi, linük tesem balala nungi apurtem ajak meyokteperbo noklang asem ser tenem dak tema liasü.a