Vodafone amshir atema osang tajung

New Delhi, December 09 (Agencies): Hokolbarnü Vodafone India-i Vodafone prepaid amshirtemi angadi jembitettsü asoshi sendong tasen ana sayaogo.
“Asenoki India ajunga nung incoming angadi yangluogo aser iba den ano tanen makai jembitsü” ta Vodafone India chief commercial officer, Sandeep Kataria-i metetdaktsü.
Mezüngbuba pack ji linük rangben nung sen 144 nungi 149 tashi agi alitettsü koba ajanga local aser STD call unlimited agütsütsü aser iba offer ya anogo 28 atema 50MB data nung angutsü. Iba den külemi national roaming mapang incoming angadi alitsü aser iba offer ji 4G handset amshirtem atema 300 MB data nung agütstsü, ta parnok sangdong ajanga metetdaktsü.
Tanabuba pack ji linük rangben nung sen 344 nungi 349 tashi agi alitettsü koba ajanga local aser STD call unlimited agütsütsü aser iba offer ya anogo 28 atema 50MB data nung angutsü. Iba nungjisa national roaming mapang angadi incoming unlimited aser 1GB data agütsütsü, ta kasa sangdong ajangasa ashi.