Vodafone-i ‘call drop’ atema minute 10 Talk Time agütsür

New Delhi, August 07 (Agencies): Telecom company, Vodafone-i phone tejembidak nung line aoba atema customer tem nem minute 10 angati talk time agütsür.
“Kuli balala ajanga tejembidak nung line aoba atema Vodafone Delights bonanza kübok minute 10 angati talk time customer ajak nem agütsütsü,” ta Vodafone India-i sangdong ka ajanga metetdaktsü.
Iba tajangzük angutsü atema customer temi 199 nung SMS ‘BETTER’ ta yoktsüla, ibaji ajanga minute 10 talk time angutsü.
Linük nung customer aikati call drops timtem ajurur aser iba atema sorkari operators den senden mena ibaji tajungba akumtsü atema tuyuogo.
“Onok Network nung o jembiba shiaji tongtibang aser ibaji tetsükdaktsü makai jembitsüla. Ajisüaka khenkhenbo o tejembidak nung tetükdaktsü ajangshir. O tejembidak maneni jembitsü atema onoki minute 10 talk time tajangzük agütsür,” ta Vodafone India Director (Consumer), Sandeep Kataria-i ashi.
Ajisüaka iba tajangzükji ita ka offer period nung kehn dang angutsü aser ibaji Vodafone to Vodafone calls nung dang asütsü.
Prepaid amshirtem atema angati minutes ji tasüngnü ayaterem tashi asütsü aser postpaid amshirtem atema bill cycle matem tashi asütsü.
Vodafone den tokteper Airtel-ia tawa postpaid amshirtemi Rs 1,199 tema atema unlimited voice-calling offer agütsüogo.