Vodafone India-i Dimapur nung mini store ka lapoker

Vodafone India-i Dimapur nung mini store lapokba noksa ka yangi angur. (Dimapur, Nov. 09)

Dimapur, November 09 (TYO): India nung tentetba tongti telecom telok, Vodafone India-i Dimapur kübok 4th Mile nung Vodafone mini store ka tanü, Bodbar nü lapokogo.
Nagaland tesem balala nung par mini store balala lapokba ajanga Vodafone teloki Nagaland nung telecom teyari agütsür telok tulutiba akümtsü alizüng asangsang nung ajangzüktsü meranger lir.
Nüburtem ajunga tongtsütsü aser ajak nem kasa teyari agütsütsü nükjidong nung Vodafone teloki par dokantem tanga teloktem den toktepa lapokba osang angazükogo.
Tan Dimapur kübok tongti tesemtem nung par mini store-tem lapokba ajanga Vodafone teloki nüburtem nem teyari tajungtiba agütsütsü alizüng lir.
Bendangyanger Jamir, CEO, Nagaland State Agricultural Marketing Board-i Vodafone Mini store lapoktsüba sülen Saurav Barua, Vodafone India; Akumchuba Jamir, Proprietor, Jamirsons Enterprises aser Matsung Pongen, Partner, Jamirsons Enterprises nunger matsüngdang Pastor Alemsunep, World Impact Community Church-i dokan aser osettsüset ajunga meshiteta sarasademtsü.
“Vodafone mini store dokantem terenemshiba takok ngua agir Vodafone ketdangsertemi ketdang asür. Vodafone telok ya Nagaland nung telecom teyari agütsür tulutiba aser tongti telok ka lir. Vodafone osettsüset amshirtem nem nungdakba teyari tetsükdaktsü kecha majurui agütsütsü nükjidong nung iba amala dokantem lapoker,” ta Saurav Barua, Vodafone India-i osang jangjashitsü.
Paisa ashiba agi, tan Vodafone mini store-tem lapokba ajanga Vodafone aser Vodafone osettüset amshir nüburtem na tsüngda tesendaktepa taoba mapang nungi kanga agi tajungba akümtsü imlar.
Kechisarena ajunga temelaba agi amshitsü lenmang bushir telok, Vodafone-i tentetba mini store nung nüburtem den yariteper ketdangsertem tajung inyakba den tanga dokan mebushitsüsa nungdakba osettsüset ajunga anguba dokantem lir.