Vodafone India-i plan tasen saya

Kohima, May 27 (Agencies): Vodafon prepaid customer tem atema Vodafon India-i tanü Vodafone Superday aser Vodafone Superweek plan sayaogo. Iba plan nung angati data dena tanenmakai local aser STD call sütettsü sentong densema lir.
Vodafone Superday amshiba ajanga customer temi anogo ka atema sen 19 yong Vodafon network tsüngda nung tanen makai local aser STD call sütettsü aser data-a 100 MB (4G handset atema dang lir) angutsü. Value tajungba atema customer temi VodafoneSuperweek amshitsü akok. Iba plan kübok customer temi sen 49 yong pack ka alia hopta ka atema tanen makai Vodafon network tsüngda nung local aser SDT call tem angati agi sütettsü. Iba plan nung ano 250 MB data angutsü (4G handset atema dang lir). Iba dak alaka sen 89 yong Vodafone Superweek pack alia amshitettsü, kaoba nung tanga offer ajak den ano tanga network den minute 100 jembitettsü maongka agütsür.
“Customer tem nem network, service experience aser value tajungba agütsütsü asoshi onoki meranger. Pre paid customer tem nem jenjang temela nung plan balala ‘Super’ umbrella kübok Superday aser Superweek plan amenokba asoshi kanga pelaa bilemer. Iba sentongtem ajanaga customer tem nem conection tajungba agütsütsü. Maneni item plan tem tanen makai alitettsü,” ta Vodafone India, Director – Commercial, Sandeep Kataria-i ashi.
Superday aser Superweek pack tem company website, MyVodafone app aser retail outlet ajak nung angutsü.
Maneni customer temi item pack tem tanen makai amshiba ajanga anogo aser hopta ajakji super day aser super week kümdaktsütettsü.

Pack jenjang yamai alitsü:
MRP Device Type Data Voice vaildity 19 4G 100MB** Unlimited Vodafone to Vodafone (Local + STD) 1 day
49 4G 250MB** Unlimited Vodafone to Vodafone (Local + STD) 7 days
89 4G 250MB** Unlimited Vodafone to Vodafone (Local + STD) + 100