Kohima, Luchii/December 05, 2019 (TYO): Hornbill benjungmung pungunübuba sentong shilem ama December 05, 2019 Brehostibarnü Department of Tourism-i nungitta Synergy Group Enterprise-i Children’s Park, Kisama nung Voice of Kids Carnival sentong ayongzüka agiogo.
Iba tetoktepba sentong nung, St. Mary’s Higher Secondary School Kohima nungi Chumrenthung Humtsoe-i mezüngbuba jenjang takok angu, kong pai senpet sen 10,000 den certificate agizükaliasü.
Kasa mapang, St Paul School nungi Vilakhono Zashümo-i runner’s up jenjang nung takok ngua senpet sen 5000 den certificate agütsü. Sentong nungsa tetokteper ajak rongnung tanutsüla, Elironi Humtsoe (küm 6) nem-a sempet agüja liasü. .
Voice of Kids Carnival atema tetendangertemji Gugu Sekhose (National Guitarist Contest 2008 & 2012 takok angusang) aser concert artist, kentener, ken zülur aser Deliverance Ministry Nagaland, founder & CEO, Seyievinuo Chuzho na liasü. Laisa, 2016 küm North- east body can sing (2016), Kohima Sekrenyi road show (2010) aser Zoomax (2017) sentongtem nung takok ngua liasü.
Voice of Kids Carnival agiogo added by nungsang on
View all posts by nungsang →
You must be logged in to post a comment Login