Volkswagen CEO tasenbai sentong tasen lemsatepogo

Berlin, September 29 (Agencies): Volkswagen nung chief executive tasenba Matthias Mueller-i, “Diesel agi jajaba garitem nungi lateta aliba ama mokozü shitak adokdaktsütsü asoshi nüngdakba sentong tasen ka yangluogo,” ta metetdaktsü.
Tang nüburtemi amshia aliba Volkswagen diesel garitem nungi latetja aliba dang nungi mokozü tali adoker sürnung, meputettsü atema software enokja aliba melentsü asoshi inyakyim kar October ita tashi nung Volkswagen-i metetdaktsütsü, ta Hombar nü Wolfsburg headquarters nung manager tem den jembiba mapang Mueller-i metetdaktsüogo.
Matthias Mueller-i, “Tang tensa tamajungi ia aliba Volkswagen garitem ya tarutsü nungbo gari temerük Audi aser Porsche ama akümtsü, ta ashiba Reuters osang ajanga metetdaktsü.