Volkswagen Tiguan India nung yanglutsü

March 22, 2017 (Agencies): Volkswagen indang SUV Tiguan gari ya Maharashtra nung aliba Aurangabad facility nung yanglutsü, ta tanü sangdongogo.
Tiguan ya 2016 küm Delhi Auto Expo nung mezüng sayua liasü aser taküm saya.
Tiguan ya 2.0L TDI diesel engine aser 7-speed DSG automatic gearbox keter angutsü.
Iba gari ya MQB (modular transverse matrix) platform nung ajemdaker yanglu aser iba gari ya Europe nung kanga sabua amshiteper.
Volkswagen indang Passat gari India nung taküm küm sayatsü lir. Iba gari indang engine ya Tiguan ama 2.0-litre TDI diesel engine aser 6-speed DSG gearbox keta lir. Volkswagen Passat nung airbag 9 keta lir aser iba ajanga iba gari nung amenertem kümzüktsü.