Vyapam dang nungi medical admission test tamajungba: SC

New Delhi, July 16 (Agencies): Madhya Pradesh nung Vyapam ochimashi ken o CBI-i bushisüngdang tenzükba sülen Madhya Pradesh nung Dental & Medical Admission Test (DMAT) ochimashi temai adoka CBI nem bushisüngdangdaktsütsü asoshi tempishiba ka Supreme Court-i angadangtsü aatema tanü lemtetogo.

Chief Justice HL Dattu lenisüba nung SC bench kati ashiba agi, DMAT ochimashi ken o ya Vyapam ken o dang nungi tamangjungba ama reprangteter aser iba ken o ya kechiba CBI nem bushisüngdang mesüdaktsütsüla (?) ta Centre aser state sorkar dang nungi telangzüba meshiogo.

Temepishiba benokertem tenüng nung Kapil Sibal aser Vivek Tankha na densema senior advocate temi ashiba agi, medical züngner candidate temi admission agitsü asoshi DMAT ketdangsertem nem sen jenti agütsür.

Ochimashir ketdangsertem jagi candidate tem dang nungi tatidang agütsüba takdang nung telangzüba kaketji tazüngla meshir aser tatidang atemba sülen ketdangsertemi exam telangzübaji agütsür, ta parnokisa ashi.

Kümshia DMAT-i ketdangsüa Association for Private Medical & Dental Colleges (APDMC) tatidang agiba nung nija college balala nung graduate aser postgraduate menden asoshi candidate 1,500 dak tema shimoker.