Vyapam scam: CBI-i UP aser MP nung tesem 40 mita ao

Bhopal, September 24 (Agencies): Madhya Pradesh nung Vyapam ochimashi ken o bushisüngdangtsü mapa agizükba sülen Brihostibar nü tang mezüng CBI-i Madhya Pradesh nung taoba technical education minister Laxmikant Sharma’er ki densema UP aser MP na nung tesem 40 mita ogo.
CBI-i Indore, Bhopal, Jabalpur, Ujjain, Rewa, Lucknow aser Allahabad yimtitem nung tesem aika mita oa liasü.
Vyapam ochimashi ken o bushisüngdagtsü ya mapa kanga tulu ta shia tamalen CBI-i nisung 500 meshia liasü.
“Ochimashi ken o 107 bushisüngdangtsü aser Vyapam dak sentakba nung nisung 50 jungnüa asüba ken o bushisüngdangtsü aser tai tonglokja alir nisung 2,000 dak tema bushisüngdangtsü atema tang aliba züngsem (bushisüngdangertem) agibo meperitsü,” ta CBI-i tawa Supreme Court dang metetdakja liasü.
CBI-i post 496 meshiba rongnung constable 108, head constable 36, assistant sub-inspector 18, sub inspector 36, inspector 63, DSP 18, ASP 9, SP 9 aser DIG 3 densema lir. Iba nung ya mapang shia sen 24,07,11,156 ( sen crore 24.07) shi intoktsü aser khen nung sen 5,05,73,000 (crore 55) shi intoktsü.
Iba ken o nung tanü tashi nung CBI-i ken FIR 106 benoka lir.