VYO 71buba melangtepba aser asaya sentong tenzükogo

Kohima, January 10 (Agencies): Tanü Viswema nung John Government Higher Secondary School asayaba moapu nung Viswema Youth Organization (VYO)-i ayonga 71buba melangtepba aser asaya sentong anogo pezü asoshi tenzükogo.
Asaya tetenzük sentong nung Dr. Hovithal Sothu, Deputy Director ATI, Kohima-i asaya meimertem dang bendanga aser temulung agüja asayatsü ajungshi.
“Kümküma aliba asayar kaka süang,” ta pai lanurtem dang ashi.
Iba amala tetoktepba lima ka nung telempet nisung menüngdaker. Pei nükjidong atongtsü asoshi bendanga agüja meranga inyaktsüla. Pei kechi nung ajung; asaya nung süang, shisatsü bushiba nung aser ano maparen balala nung süang, item ajak nung jangja jangjaa rangloker temaba jenjang tongtettsü merangtsüla, ta pai maneni ajungshi.
Pai maneni Viswema nung aliba lanurtem dang pei dak temulung lema, pei mapa nung temaba jenjang tongteta, yimtsüng nem konang tetushi bener arutsütsü, aser yimtsüng asoshi nükdang tajung kaka akümtsü ajungshi.
Iba sentong nung Rostrum tasenba pastor Nosezol Valeo VCRC-i meshitettsü.
VYO tir Visakho Kiso iba sentong nung lenir asü, aser VYO advisor Eyosa Kikhi-i tesentepertem pela agizük.
Kulizüngtepba sentong VYO asaya zülur Vikekul Sothu-i anir agi.
Iba asaya ya January 13 tashi asayatsü, aser iba sentong nung tetushi tesemdanger Zhotoho Kiso, Viswema Village Council chairman alitsü.
Asaya balalatemji yamai alitsü: Football, Naga nunger melangtepba, Volleyball, track & field sentong, Sepaktakraw aser Bamboo walk.