Ward 17 Kohima-i mita ao

Kohima, Chiteni/July 30 (TYO): Chiteni/July 28, 2018 nü Ward 17 Kohima kübok AEF Council (apex) chairman, N.Z. Makritsu leniba nung Agri, Electrical aser Forest (AEF) Council den Sub-Council office ketdangpurtemi parnok jurisdiction mita ao, ta ketdangsertem osang ka ajanga metetdaktsü.
Parnoki, kisüjensü osettsüset balala agi lenmang aser kilentsü aodak nokdangba, gari mashimashie anena ayuba aser gari lenmang tiplen gari teraksa anendena ayuba mita ao. Kiyong nung alirtem aser public nem timtem agütsüba pungbatsü nükjidong nung parnoki kiyong mita ao, ta kasa osang ajanga metetdaktsü.