Ward 9 Medziphema Inter-Ward Volleyball Tournament champion kümogo

Dimapur, December 09 (TYO): Ward 9 teloki temaba jenjang ngua Medziphema jila nung ayongba Inter-Ward Volleyball Tournament champion tanü Bodbar nü kümogo.
Ward 9 sülen anidaka, Ward 9B teloki tan asayamong nung tanabuba jenjang ngua liasü.
‘Excellence in Unity’ omen nung ajemdaker anogo 2 asoshi ayongba asayamong nung ajak agi telok 11-i shilem agiba osang jangjaogo.
Tan asayamong takok ngua agitsüsa tongti shilem agila, Sara S Jamir, ADC, Medziphema tan asayamong shibangba sentong nung tetushi tejaoker liasü.
“Tanü lanurtemi temulungtetba tajung yur kechisarena ajunga koktettsü merangba den külemi, pei alizüng ajangzüktsü atema bendanga agüja inyaktsü ajungshir,” ta tetushi tejaokeri tanü metetdaktsü.
Tan asayamong takok ngua agitsüsa nungdakba teyari agütsüba atema Zhaleo Rio, MLA, 5 Ghaspani II A/C; Sara S Jamir, ADC Medziphema; Akhrienuo Zumvü; Mhonbemo Ngullie; Visa Vüprü; Dr. Kezhavito Vüprü; Megozelhou Kuotsu; Megolhu Dolie; Asekho Talie aser sempet tenlartem – Miatho-u Krose, Tir, NCP Nagaland; Sede Meyase aser Noketho Kikhi nunger ajunga dang pelaba olen ka asayamong tayonger, MTYO-ia tanü sangdong ka ajanga metetdaktsüogo.