Ward No. 13 & Ward No. 15 na tetsür volleyball final-i iogo

4 buba Kohima Town Inter-Ward Tournament 2016 tetsür volleyball semifinal asaya nung match patron, ADC Kohima, Lithrongla Rutsa-i asaya ketdangser aser asayartem den agiba arok noksa ka yangi angur. (Kohima, February 04)

Kohima, February 04 (TYO): Kohima kübok tentetba Ward No. 8, 11, 14 aser 16 nungeri tanü, Brehostibar nü takok ngua tang tasayadak 4 buba Kohima Town Inter-Ward Tournament 2016 tebur football semifinal nung shilem agitsü jenjang nguogo.
Tanü asaya nung Ward No. 8 teloki goal 4-1 agi Ward No. 6 madak takok angu, Ward No. 11 telokia goal 7-0 agi Ward No. 10 ajemshia akok aser Ward No. 16 teloki goal 4-2 agi Ward No. 1 tsükdaktsü.
Asüng, Hokolbar nü 12:00 ako nungi tenzüka Ward No. 14 aser Ward No. 11 na tsüngda mezüngbuba tebur football semifinal asayatsü aser Ward No. 8 aser Ward No. 16 na nikongdang 2:00 ako nungi tenzüka tanabuba semifinal nung ajuruteptsü.
Ano külen, tetsür volleyball asaya nung Ward No. 13 aser Ward No. 15 teloki semifinal asaya nung takok anguba sülen tan February ita 6 nü final asayatsü jenjang nguogo.