Warner-i Allan Border Medal agizükogo

Melbourne, January 27 (Agencies): Australia nunger opener asayar, David Warner-i Australia nunger cricket asayar ka nem agütsüba tematiba sempet, 2016 Allan Border Medal agizüka iba nungtugu sempet agizüker asayar 11 buba tanü Bodbar nü kümogo.
Warner-i Australia captain, Steve Smith den vote 21 agi temaba jenjang ngua iba sempetji agizük.
Arishi küm 29 tain New South Wales asayar, Warner-i Test Player of the Year sempeta agizüka liasü.
Külem asayar, Glenn Maxwell-i One-Day International (ODI) Player of the Year sempet aser tetsür asayartem rong nung tajungtiba shilem agiba nüngtem nung all-rounder asayar, Ellyse Perry nem Belinda Clark Award agütsü.
Western Australia & Perth Scorchers captain, Adam Voges-i Domestic Player of the Year sempet aser South Australian & Adelaide Strikers batsman, Alex Ross-i Bradman Young Cricketer of the Year sempet agizüka liasü.