Waromung Baptist Arogo “mission tour” osang

Dimapur, April 12 (TYO) : Waromung Baptist Arogo tenzükertem ‘Mission Tour’ March 30 – April 9, 2016 tashi Pastori anir Deacon Board, Mapangsür aser Chowkidar ajak agi nisung metsü (20) Dimapur-Kolkata-Chennai-i oa liasü, ta WBA sangdong ka nung metetdaktsü.
Tenzükertem ‘Mission Tour’ nükjidongji “Explore more Serve Better” omen nung amendaker senzüa liasü. Tesem aika semdangba rongnung tongtipang tesem kar: Mother Teresa Orphanage Kolkata, Queen Victoria Memorial, aser Chennai nung Little Mount, St Thomas mount, Santhome Church, Naga Christian Fellowship Chennai nunger liasü, ta sangdong nungsa shia lir.
Iba den külemi April 4, 2016 nü St. Mathias Church nung Mr. Wapangtoshi, Pastor NCF Chennai-i tenzükertem nem Orientation agüja liasü.
Item ajakji Arogo-i maongka agütsüba den rongsen tulu agütja amangbapurtemi yimtsüng aser jila balala nungi sarasadem, rongsen, shisatsü aser nübu agi yariba ajanga lir aser teyaritepertem ajak kanga pelar ta WBA sangdong nungsa metetdaktsü.