‘Waromung Compound’ ta ser ken ka sayaogo

Dimapur, July 22 (TYO) : Kohima nung Senti Longchar “Desert King” aser Imli Jamir “AK” nati zülua mejemba “Waromung Compound” ta ser ken ka sayaogo.
Iba ken ya Clef Ensemble Studio nung menüngok aser Arunachal Pradesh nungi social activist Pilum Ligu-i sayatsü.
1940’s tatemlen Waromung Compound (Yimpeni ta-a ajar) nung school ka lapokba aser nübortem dang shisatsü lemsatepba indang ken ajanga ashi.
Waromung Compound indang otsü angashiba agi, iba mapang tesayurtem aser sorkar atema shisaliok sayutsü atema khuret tulu liasü ta angateter, ta Pilum Ligu-i ken sayatsüdang ashi.
Senti (DK) ya alima tesem balala nung alirtem sendakteptsü atema mapa jenti inyaka aruba nisung ka lir.
Ligu-i ashiba agi, DK ya www.indihut.com Indigenous Talent Hunt nung mezüngbuba takok angur lir.
DK-i zülua mejemba ken anganürtemi www.reverbnation.com mesüra www.youtube.com nung angutsü.