WASA saisapong sentong Jan. 11 nungi tenzüktsü

Kohima, January 08 (TYO): Western Angami Sports Association (WASA) saisapong sentong January 11 nungi 13 tashi Sechü Zubza nung aliba WAPO moapu nung akatsü.
Western Angami region nungi telok pezü küma lemsar football, volleyball, badminton, table tennis, sepaktakraw aser athletics balala nung tokteptsü.
Iba saisapong sentong nung MLA Zhaleo Rio-i tongti tesemdanger ama shilem agia asayamung lapoktsütsü aser saisapong shibangba sentong nung Western Angami Public Organisation Tir, Lhouphrevilie Rino tetushi tejaoker asütsü.
Iba saisapong nung shimtetertemi WASA tenüng nung February ita agitsü aliba, Angami Sports Association meet nung shilem agitsü.
WASA wrestling championship bo Kohima local ground nung ang January ita tatemlen alitsü.