Washington Open: Bopanna o Mergea na semifinal-i iogo

Washington, August 07 (Agencies): India nunger tennis asayar Rohan Bopanna aser pa den külemi asayasang, Romania nunger Florin Mergea nati tang tasayadak Washington Open tebur doubles shilem indang semifinal asayatsü jenjang yashi Brehostibar nü nguogo.
Bulgaria nunger Grigor Dimitrov aser America nunger Mardy Fish nati quarterfinal nung shilem magitettsüsa akümba yong tena nem walkover agüja Bopanna o Mergea nati jenjang tajungji ajangzük.
Dimitrov tapubang yiruba yong Fish tenati William H.G. FitzGerald Tennis Center nung asayatsü lemzüktsüba quarterfinal nung shilem magitettsüsa akümba osang jangjaogo.
Tan asayamong nung 3 buba jenjang abener, Bopanna aser Mergea nati temaba jenjang nung alir America nunger adianu, Bob o Mike Bryan na aser Philippines nunger Treat Huey aser America nunger Scott Lipsky na tsüngda takok angur den semifinal nung ajuruteptsü.
Tebur singles shilem nunga Japan nunger Kei Nishikori-i Argentina nunger Leonardo madak takok ngua quarterfinal-i yashi iogo.
Tan asayamong nung 2 buba jenjang abensang, Nishikori-i minute 92 nung points 6-4, 6-4 ngua Mayer tsükdaktsü.
Arishi küm 25 tain Nishikori-i Australia nunger Sam Groth aser Spain nunger Feliciano Lopez na rong nung ka den quarterfinal asayatsü.
Russia tsür Ekaterina Makarova-ia Britain tsür Naomi Broady madak points 6-4, 7-6 (7/2) agi takok ngua tetsür singles shilem indang quarterfinal asayatsü jenjang nguogo.