Water Resources Dept-i ayongba training tembanga sentong ka agi

Kohima, November 25 (TYO): October 9, 2019 nungi November 8, 2019 tashi Water Resources Department staff temi “Computer Application and Tally with GST” indang ita ka Basic course training agia aruba sülen November 22, 2019 nü Institute of Information Technology and Skill Training Centre (IISC), Kohima nung Convocation Programme ka agia tembangogo, ta tanü ketdangsertem osang ka ajanga metetdaktsü.
Iba training nung Basic computer fundamental, Microsoft & Internet, documents yanglutsü atema Microsoft Word, bill yanglutsü atema Microsoft Excel, presentations atema Microsoft Powerpoint, Tally with GST training, salary slips atema Pay roll, GST bill yangluba, GST filling aser Book keeping for Accounts tesayuba agütsü. Iba training nung nisung 15-i shilem agia aden.
Convocation sentong ya IISC nungi Marjo A. Kichu leniba nung agi, IISC Managing Director, Alemjungshi Imchen-i lokti pelaa agizükba o jembi aser IISC, Common Service Centre nungi Vizelhounuo-i okila jembia liasü.
Vizelhounuo-i Common Service Centres (CSC)-i agütsüba service balala metetdaktsüdang, CSC tongti nükjidong ya Digi Seva Portal ajanga Government e-services agütsütsü atema lir, ta metetdaktsü.
Training agirtem tenüng nung Lanupokla, Medoneinuo Mary aser Vikhrotso Koza nungeria o tatsütsü jembia liasü.
Sentong nungsa Chief Engineer, Water Resources Department, Er. Tsuktinungsang-i iba course ya kanga tongtibang, kechiyong tanü putu nung service ajak digital platform ajanga agütsür, ta ashi.