Watson-i NTO Tournament akok; 9 buba PGA Tour takok marok agizük

Washington, February 22 (Agencies): America nunger golf asayar, Bubba Watson-i Jason Kokrak, Adam Scott aser Rory McIlory nunger den temaba jenjang ngua Northern Trust Open (NTO) golf asayamong takokba yashi, Deobar nü nguogo.
Arishi küm 37 tain Watson-i küm 3 tsüngda nung tan agi NTO takokba 2 buba ajangzüker lir.
Taoba mapang Masters takokba anaben tashi ajangzüksang, Watson-i tatembangba hole 3 nung points 3-under 68 ngua ajak agi points 15-under 269 ngua tan takokbaji angu.
Taoba mapang, 2014 küm Pacific Palisades takok marok agizüksang, Watson-i tan takok anguba sülen US PGA Tour takok marok 9 buba agizüker asayar kümogo.
Külem sensopur, Kokrak-i points 14-under 68 aser Australia nunger Scott-i points 18-under 67 ngua tanabuba aser tasembuba jenjang angu.