Watsü Mungdang Essay Competition ayongzüker

Dimapur, February 22 (TYO) : March 8, 2016 nü International Women’s Day nüngtem nung Watsü Mungdang-i College jenjang nung Essay Competition ka ayongzüker.
Iba tetoktepba atema omenji “Value of Women is not merely that of a birth machine” asütsü. Luke Sasong-i Calcutta University nung azüngdang “If I were a king” ta ser essay ka zülua takok angu aser iba essay nungi agiteta omenji amshir, ta WM tir Wt. Moachila aser tezülur Wt. Toshimenla Walling nati sangdong ka nung metetdaktsü.
Essay Tetoktepba atema temetettsütem:
Essay ji olong 1500 tashi nung zülutsüla aser March 4, 2016 anogo tashi nung Watsü Mungdang Office tongtsütsüla.
Iba tetoktepba nung tebur aser tetsür ajaki shilem agitettsü aser mezüngbuba jenjang angur nem sen 5,000, tanabuba jenjang angur nem sen 3,000 aser tasembuba jenjang angur nem sen 2,000 senpettem agütsütsü. Ano nisung pungu nem sen noklang pungugu Consolation Prize agütsütsü.
Essay ji Ao mesüra English nung zülutsü akok aser essay den külemi Kaketshir tenüng aser class, pa/la azüngba college tenüng aser Contact number agütsütsüla,
Iba dak sendakba nung Watsumungdang@gmail.com mesüra 9436006936/9856542619 ajanga tongteprateptsü akok.