Watsü Telongjem Mon Town-i aitsür

Dimapur, June 21 (TYO) : Mr. Alemchiba (Khensa),-i tetsür chanu ka dak tashiyim mapa inyakba akangakanga aitsür, ta Watsü Telongjem Mon town-i sangdong ka ajanga metetdaktsü.
“Shibai tashiyim mapa inyak, ozüng nung aliba ama pa nem tapet temerenshi agütsütsüla aser temeden mangu tashi aibelenerji mechioktsüla ta mepishir” ta WTMT sangdong nungsa shia lir.
Kechi tashiyim mapa inyakogo, iba asoshi Watsü telongjem-i sasaba metetdaktsür. Jala aser lar kinungertem den Watsü Telongjem Mon adener aser iba asoshi anema nokdaker, ta Watsü Telongjem Mon town-isa ashi.