Wawrinka-a IPTL nung tan mezüngsüa shilem agitsü akok

Chennai, November 15 (Agencies): Taküm International Premier Tennis League (IPTL) nung Stan Wawrinka-a tan mezüng süa shilem agitsü akok.
Osang kar ajanga ashiba agi, world no 4, Switzerland nunger, Wawrinka shiba India Chennai Open ATP nung teti shilem agir, pa-a taruba ita Asia nung asayatsü aliba asayamung nung mezüngsüa adentsü.
Mezüngbo iba asayamung ya team pezü agi tenzüktsü–Indian Aces, UAE Royals, Singapore Slammers aser Manila Mavericks. Tang nungibo iba asayamung nung Japan Warriors dena team pongu kümogo.
Ano 2017 küm nungibo team timba akümtsü akok.
Tetsür rongnung world no 1, Serena Williams-a Philippines tsür Simona Halep den adentsü sentong lir.
Ajak toktsür Delhi nung Roger Federer aser Rafael Nadal na asayatsü aliba ajaki yongyaseta atar.