Wawrinka World No.4 kümogo

London, June 08(Agencies): Switzerland nunger Stan Wawrinka-i yashi French Open takok marok agizükba sülen temaleni jenjang 5 tashi atutsü maongka nguteta tanü Hombar nü adoktsüba tesüsaba ATP world rankings nung 4 buba jenjang ngutetba osang jangjaogo.
Arishi küm 30 tain Wawrinka-iWorld No.9 jenjang toktsür tang World No. 4 akümer lir.
Ajisüaka, Spain nunger Rafael Nadal-i French Open quarterfinal nung tamakok anguba yong pa tang 10 buba jenjang tonga aluba osanga jangjaogo.
Nadal-i küm 10 tsüngda nung tan tekübokba jenjang angur lir.
Russia tsür Maria Sharapova-ia Roland Garros 4 buba round nung tamakok anguba yong la-a tsünglangleni jenjang 2 tashi lua tanü adoktsüba tesüsaba WTA rankings nung tetsür World No.4 akümba osang jangjaogo.
Czech Republic tsür Petra Kvitova-i Sharapova-i toktsüba jenjang nguteta tangWorld No. 2 kümogo.
French Open tetsür singles shilem indang final nung tamakok ajurula, Czech Republic tsür Lucie Safarova-i temaleni jenjang 6 tashi tua tang 7 buba jenjang nguteta lir.
French Open tetsür singles takok marok agizükla, America tsür SerenaWilliams marakzüi Tanga World No. 1 lir.