Wayne Rooney-i EPL otsü tasen ka yanglur

London, January 18 (Agencies): Manchester United forward, Wayne Rooney par Manchester telok asoshi goal 176 tashi agütsür küma English Premier League (EPL) asayamong nung shilem agir telok ka asoshi goal timba agütsür asasyar küma otsü tasen ka yashi, Deobar nü yangluogo.
Manchester aser England captain, Rooney-i Arsenal asayar, Thierry Henry-i goal 175 tashi agüja taoba mapang yangluba otsü ajangteter lir.
Liverpool telok den yashi asayaba EPL asaya minute 58 buba nung Rooney-i par telok asoshi takokba goal agüja otsüji yanglu.
Taoba Newcastle United asayar mongin, Alan Shearer-i goal 148 aser Chelsea asayar, Frank Lampard-i goal 147 agüja Rooney sülen anidaka lir.