WB CM Mamata -i anogo pongunü UK semdanger

Kolkata, July 26 (Agencies): Tanü West Bengal Chief Minister Mamata Banerjee-i, anogo pongunü United Kingdom semdangba mapang tezüngzüktep aika agitettsü yimlar, ta metetdaktsü.
La Deobar anepdang 10:00 ako nung Kolkata nungi apusoa aotsü lia N S C B International Airport nung osangbenertem den jembidang lai, West Bengal ya rali-walirtemi semdangba tesem tajung ka akümtsü atema investment angutsü onoki imlar,” ta ashi.
Lai Kolkata ya London ama kümdaktsütsü atema küm pezü tashi nükjidong yur aruogo aser lai UK semdangba ajanga la mangdangji ataloktsü asü ta asüngdangba langzüdang lai, “Iba jagi tama omadi,” ta ashi.
La den industrialist tem, minister kar, Trinamool Congress MP, aser tongti ketdangsertem densema züngsem 12 telok ka lai anir UK-I ogo.
Parnoki UK semdangba mapang nung Mamata-i Duke of York, Prince Andrew ajurutsü.
Laisa British Employment Minister Priti Patel-a ajurutsü.
Mamata-i Mahatma Gandhi aser Rabindranath Tagore na kürakyanglu nung naro tokja akhüm tsübu agütsütsü, ta state sorkar osang ka ajanga metetdaktsü.