WB election phase 5 buba nung candidate 349 shilem agitsü

Kolkata, April 26 (Agencies) : West Bengal assembly elections phase 5buba nung shilem agitsü aliba candidate 349 rongnungi crorepati 43 aser ozüng alema inyakba atema aitsür alir parnok 67 densema lir.
South 24 Parganas, Kolkata aser Hooghly district tem nung aliba constitueny 53 taruba Honibarnü phase 5buba polling agitsü.
West Bengal Election Watch-i Mongulbarnü osang ka ajanga ashiba agi, ozüng alema inyakba atema aitsür alir parnok candidate 67 rongnungi nisung 52 bo nisung tepsetba aser tetsür tashiyim agi raksatsüba atema aitsür alirtem lir.
Tan election nung shilem agitsü pur rongnung Trinamool party nungi crorepati timba lir. Par telok nungi crorepati 23, BJP nung 9, CPI-M nungi 6 aser Congress nungi 3 ta lir.