WB police dang teküp ayokba ken o nung densema aliba nisung mita alitsü asoshi asüngdang

Shillong, February 21 (Agencies): Meghalaya police-i, West Bengal police dang teküp ayokba ken o nung sendakba nisung ka ladanga alitsü asoshi metetdaktsü. Arishi küm 14 tain tanur ka teküp ayokba mapa nung tashiyim agi inyakdaktsüba ken o nung tang tashi nung nisung 17 pua lir.
Police-i North 24 Parganas nung alir Sudhir Kumar Paul noksa West Bengal police dangi yokogo. Parnoki iba nisung ladanga alitsü, aser angu nungbo aputsü asoshi mepishi.
Sudhir state nungi jena or alitsü ta amanger. Police-i Protection of Children against Sexual Offences (POCSO) Act nung ajemdaker ken o benoka pa bushisüngdangdar.
POCSO kübok ken o nung aitsüa puoka alirtem rongnung, Mawhati MLA, Julius Dorphang densema lir. pa tang Ri-Bhoi district, Nongpoh jail nung pouka lir.
Police-i tawa Marvelene Inn manager Edmund Kharir puogo. Home Minister, HDR Lyngdoh’er kibong iba tesem kibur lir, aser pa minister menden nungi indoktsü asoshi nungshidar.
Maneni tanutsülai la dak tashiyim inyaker rongnung ka jangjaogo. Pa ya professor ka lir saka lai pa tatembangba tenüng mebilemteter. Lai pa tenüng “Prof Roy” ta dang bilemteter.
Iba dak sendakba ken o nung dangera densema lir aser police-i parnok bushidar. Tang tashi nung mejangjateti aliba nisungtem rongnung shishilembar ka, army officer ka aser nisung tain ka ta densema lir.