Wb. Yashitsungba Ao asüba atema DCCI-i mangyimba lemsatep

Dimapur, Rongchii (April) 04 (TYO): Dimapur nung business tsütsü mezüngpur, Wb. Yashitsungba Ao ajungbena alima nungi pilaba atema Dimapur Chamber of Commerce and Industry (DCCI) Tir aser züngsemtemi jashia mangyimer, ta tanü DCCI Tir, Akashe K Zhimomi aser tongti tezülur, Sanjay Sethi nati sangdong ka ajanga metetdaktsü.
Wb. Yashitsungba Ao-i lokti atema mapa tajung jenti inyakogo aser pai entrepreneurs dang tatishitsü tajung sayuogo, ta sangdong nung shia lir.
“Zion Hospital & Research Centre aser Eden Medical Centre Chairman ka ama pai state nüburtem, talisa Dimapur sensotem atema jenjang dalang agi health service tajung agutsüogo,” ta DCCI-isa metetdaktsü.
DCCI züngsemtemi iba ama mangyim mapang nung par kibong züngsemtem den mangyim lemsateper, aser Tsüngremi pa tanela tatem makai tesünep nung anisüngzükdakjang ta sarasademtsür, ta Dimapur Chamber of Commerce and Industry (DCCI) -isa lemsatep.