WBWC nung NWA wrestler temi shilem agitsü

Dimapur, Metsüremi/March 4 (TYO): NWA wrestler Vechita Khesoh aser Keduovilie Zumu na World Belt Wrestling Championship 2019 nung shilem agitsü. Iba sayamung ya Riyadh, Saudi Arabia nung akatsü. Nagaland Wrestling Association (NWA)-i tanü parnok indang office nung tena minoktsüba sentong ka 2:00 nungi tenzüka agiogo aser iba sülen parnok Delhi-i ao. NWA wrestler ana ya Indian Wrestling contingent nung shilem ka asütsü aser tena March 6 nü Riyadh-i Indian contingent wrestlers & India team officials tem den aotsü. Indian team March 20 nü Delhi-i meyipa arutsü. Nagaland Wrestling Association (NWA)-i tena takok ngua asayar arutsü imlatsüa ataba sangdong ka ajanga metetdaktsü.