WC, NNPGs aser ULFA külem senden ka amen

Dimapur, February 4 (TYO): February 4, 2020 nü Guwahati nung Working Committee (WC), Naga National Political Groups (NNPGs) aser United Liberation Front of Asom (ULFA) tsüngda senden ka amen.
Senden nung WC, NNPGs-i ULFA aser GOI tsüngda yimjung maparen inyakba artema tenüngsang agütsü aser tekaratiba nung Assam nung lisopurtemi aginüba ama telemtetba ka agitsü imlar ta tanü parnoki sangdong ka nung ashi.
Külen, ULFA-ia WC, NNPGs aser India sorkar tsüngda yimten latettsü atema inyakba pelaa agizük.
Senden nung telok anaprongi, akhidang nungi adianu ama liyonga aruba ama maneni nübortem tsüngda olemtep alitsü aser sobaliba lemsateptsü mulungtep.
Telok anaprongisa mapang shia sensaksemtsü aser tesentaktep akangshitsü atema maneni olemtep lia aotsü telemtetba agi.
Iba sangdong nung Arabinda Rajkhowa (Chairman ULFA), Pradip Gogoi (Vice Chairman ULFA), Anup Chetia (General Secretary ULFA), N. Kitovi Zhimomi (Convener, Working Committee NNPGs) aser Co-Convener WC NNPGs tem- Wangtin Naga Zopra Vero, Z. Hozheto Chophy, Kiumukam Yimchunger, Toshi Walling aser Isak Sumi nungertemi sign süa lir.