WDLSA-i NALSA Scheme indang tesayuba agütsü

Dimapur, July 15 (TYO): July 14, 2017 nü District Planning Machinery Cell, Wokha nung Wokha District Legal Services Authority (WDLSA)-i lanurtem nem Child Friendly Legal Services (NALSA Scheme 2015) indang tesayuba agütsü, ta ketdangsertem osang ka ajanga metetdaktsü.
Child Friendly Legal Services (NALSA Scheme 2015) onük nung jembidang NJS First Class Magistrate aser WDLSA Secretary, Seyielunuo Mezhu-i, iba scheme ajanga teyari aser kümzükba nüngdaker tanurtem nem legal teyari agütsür, ta metetdaktsü.
Laisa, iba scheme ajanga national, state, district aser Taluk level ajak nung legal service tem, institutional care, counseling & support services tashi itdaktsütsü, ta ashi.
Secretary-isa, JJ Act section 4 kübok district shia nung Juvenile Justice board tentettsü atema state sorkar nem temelaba agüja lir, ano JJT Act section 29 kübok Child welfare committee tentettsü atema state sorkar nem temelaba agüja lir, ta metetdaktsü.
Kasa sentong nungsa Wokha Town Baptist Church Youth Director-ia o tatsüka jembia liasü aser Panel Lawyer WDLSA, Renbonthung Tsanglao-i tepela anküp o jembia liasü.