Weaving aser handicraft atema training agütsütsü

Dimapur, Metsüremi/March 01 (TYO): Deputy Commissioner Mon Thavaseelan K, IAS-i ashiba agi, February 9, 2019 nü General Manager, District Industries Centre, Mon ajanga local candidate tem nem sü atakba aser teka mapa wadang nung küm ka atema training agütsütsü asoshi advertisement ka ajanga agizüka lir.
Iba advertisement nung ashiba agi, training agiba mapang teshimtet candidate tem nem taa ama ita shi sen 500/- (Rupees Five hundred) agütsütsü. Iba training agütsüba ya candidate temi küm ka atema takok ngua training agiba sülen pei sasa langka ka nungbosa atongoka mapa inyaktsü nükjidong nung lir.
Training nung adentsü atema Education Qualification tajemba agia class – VIII (Eight) pass aser iba tamaji asütsüla. Teshimtet candidate tem atema March 20, 2019 anepdang 10:00 ako nungi tenzüka interview agitsü. Iba interview atema agüja aliba anogo nungji candidate temi GM, DIC, Mon office chamber tonga arutsüla aser iba interview dak sendakba nung tajaba shidi balaka magütsütsü.
Interview mapang candidate temi pei indang original certificate/documents bener arutsüla. Shirnoki agüja aliba ama meinyakra parnok magizüktsü.
Iba dak alia, application den külemi Education certificate indang photo copy tem March 15, 2019 nü tashi mesüra iba jakdang GM, DIC Mon office tongtsütsüla.