Website Compliance dak sendakba nung IT&C Department-i sangdonger

Dimapur, Mongputeni/October 23 (TYO): Mata mabensar nem teyari agütsütsü nükjidong nung Ministry of Social Justice & Empowerment, Department of Empowerment of persons with Disabilities, Government of India, New Delhi-i apitetba Accessible India Campaign dak sendakba nung Department of Information Technology & Communication-i sangdong ka ajanga ashiba agi, Nagaland sorkari Government of India Apps aser Websites 2018 (GIGAW), koba W3C’s (World Wide Web Consortium) Web content Accessibility Guidelines 2.0 (WCAG 2.0) den mesüktepa lir iba atema Government of India Guidelines dak ajemdaker inyaktsü tetuyuba agütsüogo.
Anungji Government departments ajak indang websites ya WCAG 2.0, Level AA den mesüktepa yanglutsüla kong accessibility options itemi densema lir:
1. Changeable Text Size
2. Changeable Colour scheme- Contrast
3. Tenarong tajaker atema screen readers amala assistive technologies amshitsüla.
Maneni kasa sangdong ajanga ashiba agi, departments shirnok ket nung WCAG 2.0 compliant websites lir parnoki parnok indang website update asüba mapang nung iba amala accessibility features tem mindoktsüla.
Osang tejangjaba agitsü asoshi Deputy Director, IT&C den mobile number: 9436005854 aser email: dit-ngl@nic.in. ajanga tongteprateptettsü, ta DIPR sangdong ka ajanga metetdaktsü.