Weekend Series nung shilem agitsü jaoker

Dimapur, November 17 (TYO): North East Zone Cultural Centre, Ministry of Culture, Government of India-i Dimapur nung amenoka aliba cultural teloktem aser Centre nung tenüng züloka aliba teloktemi NEZCC headquarters, Dimapur nung agitsü aliba new Weekend Series programme nung shilem agitsü jaoker, ta NEZCC Director-i tanü sangdong ka ajanga metetdaktsü.
Anungji tejangrar teloktem aser nijatemi NEZCC Park nung weekends nung shilem agitsü maongka angutsü.
Application form aser osang metetpelatsü atema office mapang nung office mesüra Director ajurutsü metetdaktsür, ta sangdong nungsa shia lir.