Welfare Schemes & PAN Card den Aadhaar sendaktepba atsülanger

New Delhi, Metsüremi (March) 28 (Agencies): Central Board of Direct Taxes (CBDT)-i Aami (June) 30 tashi PAN-Aadhaar sendakteptsü anogo atsülangba sülen India sorkari Rasemnü (Bodbar) Aadhaar den welfare schemes sendaktepba ita asem atsülangtsü osang metetdaktsüogo.
Metsüremi (March) 27 nü CBDT-i Metsüremi 31 tashi anogo lateta aliba nungi Aami 30 tashi atsülangba osang metetdakja liasü.
Tan ita tetenzüklen Supreme Court-i Aadhaar den service balala sendaktepba mapang atsülangtsü atema tetuyuba ka agütsüba sülen CBDT-i yashi iba osang metetdaktsüogo.
Centre sorkari PAN den biometric ID – Aadhaar sendaktepba anogo atsülangbaji tang agi pezübenbuba lir.
Sorkari income tax returns agütsüba aser PAN tasen agizükba mapa nung Aadhaar kechi südir alitsüsa ta asüba ozüng yangluogo.
Metsüremi 5, 2018 tashi nung PAN crore 33 nungi crore 16.65 bo Aadhaar den sendaktepogo ta osang ka ajanga metetdaktsü.
Taoba mapang anogo latetbatemji, 2017 küm Chiteni (July) 31, Luroi (August) 31 aser Luchii (December) 31 liasü aser tesüsabubaji taküm Metsüremi (March) 31 anogo liasü.