West Bank: Israel police-i Palestine nunger 1 kaset

Jerusalem, October 30 (Agencies): Israel police ketdangsertemi Palestine senso ka West Bank nung tentetba checkpoint ka anasa tanü Hokolbar nü kasetba aser ano Palestine senso tanga ka yirutsüba osang jangjaogo.

Palestine senso ana jagi kotari agi Isreal police ketdangsertem amaktsü tenzükba yong parnoki tena dak injang kaloktsütsüsa akümba osanga jangjaogo.

“Tanü amakba lendong nung Israel police ketdangser ka yirua liasü,” ta Israel police otongdar, Luba Samri-i osang jangjashitsü.

Laisa ashiba agi, tanü amaker Palestine senso anaji motorcycle ka nung mener checkpoint tonga aoba sülen tenati abenba kotari amshia checkpoint nung duty nokdaker Israel paramilitary border police ketdangsertem amaktsü tenzük.

Hopta 6 tejaklen nungi tenzüka Israel aser Palestine nunger na tsüngda tanaben raratsü tenzüka lir aser tanü tashi nung Israel nunger nisung 11 aser Palestine nunger nisung 64 tashi asüba osang bushiteta lir.