West Bengal nung Congress-i Left den lokteptsü melunger

New Delhi, January 23 (Agencies): Taruba West Bengal assembly election nung Congress-i Left party tem den lokteptsü melunga lir, aji oda parnok loktepra state election nung temelenshi adoktsü.
Osang ajanga angazükba agi, Congress-i Left party tem den telemtetba ka magidangyongi party tashi ita aliba mendentem nung parnok tsüngda vote melemsateptsü asoshi junga shisadangtsü. Ajisüaka ibaji ajanga Left Front-i Congress-i takok ngua aliba constituency tembo parnok nem agütsütsüsa akumtsü.
Congress-i, party-i takok ngua aliba constituency temji parnok kanga junga amenoka aliba mendentem lir ta ashir. Taoba Lok Sabha election nungbo Congress-i Left aser Trinamool na anema toktepa liasü.