Kolkata, Rongchii (April) 18 (Agencies): Sangtennü (Mongulbar) West Bengal kübok tesem balala nung yipru lendong atalokdang nisung 15 asü aser yipru ajanga train o tayimtsütem timtem ajuru.
Mopung kanga sashia aonba ajanga tesem aika nung süngdongtem den electric yindongtem laodaktsü aser Kolkata nung nisung 7 aser Howrah nung nisung 6 tashi asü. Hooghly aser Bankura district tem nunga nisung ana tsüngi agi aiset.
Yasüng 7:42 ako meta Kolkata aser south West Bengal district tem nung mopung tesashi aon. Mezüngbo mopung indang tashiji 84kmph liasü saka 7:55 ako sülen 98kmph tashi aon, ta metrological office ajanga metetdaktsü.
West Bengal yipru nung nisung 15 asü added by nungsang on
View all posts by nungsang →
You must be logged in to post a comment Login