West Ham-i Payet atema sen million 50 meshir

London, July 12 (Agencies) : West Ham United co-chairman David Gold-i ashiba agi par club nung asayar Dimitri Payet indang jenjangji 50 million pounds ($65.3 million) lir aser iba nungi poisa ka danga majemtsü.
Ajisüaka, senji agüjaka West Ham-i France nunger midfielder Payet tangar dang ayoktsü memulunger ta Gold-isa ashi.
Yaküm June ita Payet-i Marseille club toktsür West Ham nung aden aser pa England nung mezüngbuba season nung goal 12 tashi agütsü. Ano tawa asayaba European Championship nunga pai goal asem tashi agütsüteta par linük (France) final atong.
Payet-i par club aser linük atema kanga junga asayaba sülen nisungtemi pa Chelsea, Manchester City mesüra Paris St Germain club temi alizüktsü akok ta imlar.
Ajisüaka, Payet alizüktsü atema tanga club-i sen aikaji agütsüdi ta asüyonga West Ham-i pa yokdoktsü memulunger ta West Ham United co-chairman-isa ashi.
“Onoki 50 million pounds teküpok aruba offer tem ka danga magizüktsü aser onoki asayar tajungtem yuner, anungji pa yokdoktsü atema tebilemba mali” ta Gold-i shisem.
“Pa ya ozü club atema kanga tongtipang. Ozü telok nung pai tongti shilem agir aser pa mayoktsü. Pa London nung par kibong den alir, fans-i pa kanga sapur aser onok Olympic Stadium-i aotsü” ta paisa metetdaktsü.