West Indies telok U-19 Cricket World Cup final-i iogo

Dhaka, February 11 (Agencies): West Indies teloki wicket 3 agi Bangladesh telok madak semifinal asaya koka tang tasayadak Under-19 Cricket World Cup asayamong final asayatsü jenjang tanü, Brehostibar nü nguogo.
All-rounder, Shamar Springer-i ball 88 nung runs 62 yangluba den külemi, pai runs 36 agüja wicket 2 tashi agia kanga junga asayaba ajanga par West Indies teloki tanü asayaji akok.
Springer den külemi, skipper Shimron Hetmyer-ia ball 59 nung runs 60 agiba densema, par West Indies teloki overs 48.4 nung wicket 7 laoa ajak agi runs 230 yanglu.
Tesülen, skipper Mehedi Hasan aser Mohammad Saifuddin nati runs 60 aser 36 yangluba densema, par Bangladesh telok indang wicket 9 lao tashi nung ajak agi runs 226 dang yangluteta par teloki tamakok ajuru.
West Indies teloki India telok den tan February ita 14 nü final asayatsü.
India telokia runs 97 agi Sri Lanka telok 1 buba semifinal asaya nung tsükdakja final asayatsü jenjang angu.