Western Sumi Youth Front senden menogo

Dimapur, Aami/June 28 (TYO): Western Sumi Youth Front aser Niuland, Kuhuboto aser Ato tesem temeket nung aliba yimtsüngtem arok senden ka June 27, 2020 nü Vihokhu yimtsüng nung menogo. Iba senden ya Niuland lenmang kanga mejungi aliba indang sensaksemtsü asoshi ayongzüka amen.
Senden nung parnoki iba ken o dak sendaka aliba department aser contractor tem dang lenmang takaritiba nung yanglutsütsü asoshi mepeshia liasü, kechiyong tang teyangludak aliba lenmang nung gari tila senzütsü tamakoktsü aser iba ajanga Naga nungertem aser talisa iba tesem asem nung aliba nüburtem tebang agi meshitetba timtem ajurua arudar.
Western Sumi Youth Front-isa, lenmang nung maparen kecha tetsükdaktsü makai inyaka otettsü asoshi parnoki teka amteper inyaktsü, ta tenangzükba agütsüogo. WSYF-isa, mezüngbuba phase nung gari senzütettsüsa lenmang yanglutsütsü asoshi aser oset tajung amshia lenmang yanglutsütsü asoshi mepeshia liasü, ya Western Sumi Youth Front media cell sangdong ka ajanga metetdaktsü.