Western Sydney University nungi team kati Nagaland semdang

Dimapur, November 25 (TYO): AICRP (HB&P), ICAR, New Delhi ajanga Stingless bees tsütsü India aser Australia na senteper inyakba dak sendakba nung Western Sydney University, Australia nungi scientist asemi November 21-24, 2019 anogotem nung state semdangogo, ta Asst. Scientist, AICRP(HB&P), SASRD, NU, Medziphema, Dr. Avinash Chauhan aser Bee Professional, AICRP(HB&P), SASRD, NU, Medziphema, Ngukho nati sangdong ka nung metetdaktsü.
Tesemdanger team nungi Prof. Dr. Robert Spooner-Hart, Dr. James Makinson aser Dr. Amy-Marie Gilpin nunger ajakji Western Sydney University, Australia nungi liasü.
Parnoki state semdangba nükjidongji student exchange programmes ajanga universities tsüngda taliba amalitepa inyaktsü aser India nung Stingless bees research agitsü atema liasü.
Australia nungi arurtemji AICRP(HB&P), SASRD, NU, Medziphema-i anepalua anenzükdaktsü aser parnnokisa Peren aser Dimapur districts nung Stingless bee aliba tesemtem sema anir senzü; item tesem rongnung NBHM Museum; Old Jalukie, Sec-C; Punglwa village; Medziphema village; Medziphema Town liasü. Parnok den yaritepertemji Nagaland Beekeeping & Honey Mission (NBHM) liasü aser parnokisa Central Institute of Horticulture, Medziphema aser National Research Centre on Mithun, Khanakhurü, Medziphema semdangogo.
Tatemsa parnoki Naga nunger ninang metsür ajak dang melung asüba aser pelaba lemsatepa liasü.
Tepela o jembidang parnoki Dr. HK Singh, Scientist Incharge, AICRP(HB&P) SASRD, NU aser pa indang staff, Dr. Avinash Chauhan, Asst. Scientist; Otto S. Awomi, Proffessional; Ngukho, Bee Professional; Akumtoshi Aier, Office Assistant; Thejanilie Miasalhou, Para Apiarist & Lakhan, Field Worker nunger dang pelaba metetdaktsü.