‘Westlife’ telok tanaben longjemtsü: Albert Hammond

August 11, 2016: Tebur temeja kentener telok ‘Westlife’ tanaben longjemtsü, kechiyong nüngtugu kenzülur, Albert Hammond-i, Westlife Manager, Louis Walsh-i par telok atema ken tasen kar zülujang ta shiogo, ta metetdaktsü.
Arishi küm 72 tain, Albert-i Whitney Houston, Tina Turner aser Diana Ross’ nunger densema nüngtugu kentener aika atema ken zülutsüogo.
Daily Star osangkaket den jembidang pai, ”Ni Ireland nung Louis den külemi liasü aser pai parnok atema ken tasen kar zülujang ta shiogo, kechiyong pai ‘Ni Westlife tanaben longjemdaktsütsü, anungji nai kü nem ken kar zülujang’ ta shiogo,” ta metetdaktsü.
Westlife telok nung züngsemtemji Nicky Byrne, Kian Egan, Mark Feehily aser Shane Filan nunger lir aser par teloki küm 14 nung UK top 10 singles 26 anguba sülen 2012 küm telok loksaa liasü.
Iba dak sentakba nung Nicky-ia 2018 küm par telok küm 20 ajungtsü aser iba nüngtem nung parnok longjemtsü olen ka jembiogo.
Arishi küm 37 kentener Nicky-i, “Onok longjemtsüji kanga tasakbo masütsü. Küm ana tsüngda onok küm 20 ajungtsü aser iba maongkaji agira nüburtemi jangratsü südi,” ta ashi.