WGH police-i ATM nungi sen auyartem rongnung ka puogo

Tura, October 22 (Agencies): West Garo Hills police-i ATM ka nungi sen lakh 41 auyaba keno dak sendakba nung Tura nung alir Bijoy Debnath puogo. Iba au ashi sentong ya pai asateta inyakba liasü.
Debnath ya ATM nungi sen auyar anarong nung ka lir, aser police temi ashishiba sülen pai iba mapa nung pa densema aliba nangzükogo. Iba sülen Nakham Bazar nung pa kidang nungi sen lakh 38.41 bo ngutetogo.
October 18 nü Super Market SBI ATM nung sen lakh 43 aliba nungi sen lakh 41 auya, ajisüaka ATM kapoker sen agizükba temaitsü kecha meliasü. Iba ajanga police temi iba ken o nung telung nung alir ka densema alitsü ta temolung melemi bilem, kechiyong iba ATM ya SIS Securities meyong lir aser parnoki anepalur.
Debnath apuba sülen sen ya Tura kübok Nakham Bazar tesem nungi ngutetogo.
Bushisüngdang nung police temi ATM nungi CCTV footage teyari agia liasü aser iba atema Bank-i engineer ka Guwahati nungi ajatsüsa aküm
Aibelena alir ka dang ashishiba nungi auyar aoba sen (lakh 38 dak tali) timba kabo ngutetogo.
Iba ken o dak sendakba nung osang tejangja aika ano temai adoktsüba lir.