WhatsApp-i GIF bushiba nung yaritsü ‘app’ tasen ka inoktsür

New Delhi, January 13 (Agencies): Facebook Messenger aser iMessage den toktepa Whatsapp-i Android amshirtem asoshi parnok indang ‘app’ telung nungi GIFs bushitetba nung yaritsü atema app tasen ka inoktsü renemogo.
Maneni app media sharing tatakzük 10 nungi 30 tashi ajungkettsü imlar. Koba ajanga WhatsApp amshirtemi khenyongi media aika lemsatettsü.
Iba feature ya WhatsApp beta version 2.17.6, Android amshirtemi amshitettsü.
iOS nung WhatsApp amshirtembo yaküm November nungi GIF support amshidar.
Android amshirtemi maneni parnok indang WhatsApp telungi nungi Giphy library amshitettsü, aser medemertem dangia yoktettsü.
Iba GIF icon ya emoji icon koba text bar sülen lir, iba nung anem nung adoktsü.