Whatsapp mechi nung Uday Chopra-i Nargis Fakhri den pila

May 18, 2016: Bollywood actor, producer, screenwriter aser assistant director, Uday Chopra-i American model aser actress, Nargis Fakhri den pilaba sülen la ajungbena New York (US)-i ogo, ta osang angashia tena sapurtem kanga aoksaogo.

Tenati tena tesentaktep aliba indang kodanga odiodia mejembi, ajisüaka tena joko küm ana medemdar ta osang angazüker.

Nargis Fakri’er medemertem osang ka ajanga ashiba agi, Uday-i la den kibong makümtsü lemtetba ajanga la kanga jashidar.

BollywoodLife.com osang ajanga ashiba agi, Whatsapp nung messaging ajanga Uday-i Nargis den pilaogo.

IndianExpress.com den interview ka agidang Nargis-i Uday ji la arishi piyong tongtibang nisung ka asütsü, ta shiogo.