WhatsApp nung Live Location inoktsütsü

October 18, 2017 (Agencies): WhatsApp-i Diwali sempet ka agütsütsü lir – Live location. Live location feature keta aliba social media balala nung tang tasen masü. Telegram, iMessage, Snapchat aser Google Maps nung iba ama features keta lir. WhatsApp nunga kasa ‘Live location’ densemba ajanga nisung aikati saputsü.
WhatsApp Live Location ajanga nisung ka tang kong aliar aji kinunger aser medemertem den lemsatettsü. “Na medemertem den ajurutepba mapang nai meima aliba nisungtem dak na junga lir, ta iba feature ajanga sayutettsü. Live Location amshitsü temela lir,” ta WhatsApp ajanga ashi.
Iba feature ya Android aser iPhone nung taruba hopta nungi amshitettsü. Iba WhatsApp Live Location sharing feature ya permanent ka masü aser nai nü indang ‘real-time location’ ya minute 15, ghonda ka mesüra ghonda 8 atema nisung mashi ka den mesüra group mashi nung share sütettsü. Aser nai iba ‘real time location’ ya shibanga yutettsü.
Tang WhatsApp nung na kong aliar aji sayutsü asoshi feature keta lir, nai tesem mashi ka shimteter share süteter. Saka Live Location nungbo smartphone kong aliar aji dang sayutettsü. Aser kasa ji nisung mesüra group nung share sütettsü aser bushitettsü. Snapchat nung iba ama feature keta lir aser na gari nung asü tetsüng agi jajar, aji dena sayuteter.
Nai na aliba tesem shiba dang sayunür, pa/la mesüra telok indang chat lapoktsü. Attach button nung “Location” lapok nung “share Live Location” option tasenba angutsü. Nai iba nung mapang kobika share sünür iba ji shimmer tangar dangi yoktettsü. Chat nung aliba nisung ajungai pei dang kong aliar ibaji map nungi agizüka yoktsü akoktsü. Aser telok nung nisung ka dak tali-i Live Location ya share süra, location ajunga ya kasa map ka nung angutsü.
WhatsApp nung iba feature ajanga nü indang privacy nung mokongshitsü. Iba ‘end-to-end encryption’ indang feature aliba ajanga nai yokba file ji tangari mangutsü. Nai iba Live Location share asüba ya mashi mapang ka nung anendaktsütettsü mesüra Live Location timer tembangba sülen pasasa samatsü.
Aser iba features anshiba ajanga nai tangar dang nungi jenzüke mesenzütettsü.