WhatsApp nung osang aiben forward mesütettsü

Guwahati, April 7 (Agencies): COVID-19 wara dak sendakba osang tiyazü belenshiba azüoktsü atema WhatsApp-i osang forward asüba atema telatetba tasen kar agütsütsü ta metetdaktsüogo.
Mongulbar nungi “highly forwarded” ta ajitetba osangtem WhatApp ajanga nisung ka dangi dang yoktettsü. Taoba mapang iba ama osang ya nisung pungu dangi yokteta liasü.
Tang nungi WhatsApp-i kanga forward asüba osangtem nisung/group ka dangi dang yoktettsü melatsü. Iba ya COVID-19 indang osang tai belenshiba azüoktsü atema lir.
India dena alima nung linük aikati social media sabang aika nung COVID19 indang taila osang, tiyazü aser olulutem belenshiba azüoktsü atema mapa balala inyakba mapang WhatsApp-i iba telemtetba agiogo.